നിശബ്ദത / അജിത.എം.കെ

 



അന്തിയോളം ഓടി മടുക്കുന്ന 

ഒന്നും ചെയ്യാനില്ലെന്ന് 

നീ പറയുന്ന ജീവിതത്തിലേയ്ക്ക് 

വീടിനുള്ളിലെ നിശബ്ദതയിലേയ്ക്കവൾ

ഉറങ്ങിയെണിക്കും.


മാറിൽ മുഖമമർത്തിയുറങ്ങുന്ന 

സ്വപ്നത്തെ ഉണർത്താതെ 

അൽപ്പ നേരെത്തേയ്ക്ക് 

നൊമ്പരങ്ങളുടെ പകലിലേയ്ക്ക് 

കണ്ണു തുറക്കും.. 


അടിവയറിൽ കൈ ചേർത്ത് 

സങ്കടങ്ങളുടെ കണ്ണീരില്ലാത്ത 

നിശ്വാസം ഉതിർക്കും.. 


തിരക്കിട്ട് മുറ്റമടിക്കും

വേഗത്തിൽ ഭക്ഷണമുണ്ടാക്കും..

ഉണർന്നെണീറ്റോ.. 

പഠിക്കുന്നോയെന്ന് 

ഇടയ്ക്ക് മുറിയിലേയ്ക്ക് പാളി നോക്കും...


പള്ളിക്കൂടത്തിലെ ഒന്നാം ബെല്ലിനും മുൻപേ..

യൂണിഫോം ഇടുവിച്ച് 

ഒരു കുഞ്ഞ് കൊതിയെ ഒരുക്കി വിടും.


ചില ദിവസങ്ങളിൽ കുളിപ്പിച്ച് 

സ്ക്കൂൾ ബസിന്റെ സമയത്ത് തന്നെ 

മുടി ചീവി... ബാഗൊരുക്കി 

കുഞ്ഞ് ആഗ്രഹത്തെ യാത്രയാക്കും.


ഹോണടിക്കുന്ന ഒച്ച കേട്ട് 

വൈകുന്നേരം 

ഇഷ്ടമുള്ളതൊക്കെ ഉണ്ടാക്കി വച്ച് 

അവനെ വിട്ടിലേയ്ക്ക്

കൊണ്ടും പോരുന്നത് വരെ

ഓർത്ത് ഓർത്ത് ഇരിക്കും... 


സ്വപ്നം കാണാത്ത പുലർക്കാലങ്ങളിൽ

വേദനയോടെ 

ഊഷരമായ ഗർഭപാത്രത്തെ ഓർക്കും.

പിറക്കാത്ത കുഞ്ഞുങ്ങളെ ഓർക്കും. 


അന്നേ ദിവസം പള്ളിക്കൂടത്തിലെ 

ഒന്നാം ബെല്ലടിക്കുന്നതും 

സ്കൂൾ ബസ് ഹോണടിച്ച് പോവുന്നതും

കേട്ടവൾ നിലവിളിക്കും....


വീടിന്റെ നിശബ്ദത 

'അമ്മേ 'യെന്നവളെ വിളിക്കും...


....... 

Comments

Post a Comment

Popular posts from this blog

തലമുറകൾ /സിന്ധു നന്ദകുമാർ

നിശയിലാകിനാകിടക്കയിൽ കാൽവിരലുണ്ടൊരോമനപ്പൈതലിനനക്കം കതോർത്തലസം നീ ചാഞ്ഞുറങ്ങുന്നത് എന്റെ മാറിലല്ലോ .... ദൂരെ നീയെങ്കിലും മകളെ , ആലസ്യമാർന്നു നിൻചൊടികൾ കറുക്കുന്നതും  കൺതടം ക്ഷീണത്താൽ കുഴിയുന്നതും മാതൃത്വഭാവം നിന്നിൽ നിറയുന്നതും കണ്ടു ഞാനിവിടെ നിന്നെയും ഉദരത്തിലാക്കി കൊണ്ടു നടക്കുന്നു ...... തന്റെ ഉദരത്തിലായിരം ഭ്രൂണമായി കാത്തൊരാത്തരുലതാദികൾ ഭൂജാതരാവുന്നതിനേകാന്ത തപം ചെയ്ത ധരിത്രിയേ ഓർക്കുക ..... സൂര്യനാമച്ഛന്റെ ചൂടേറ്റ് വളരുന്നുണ്ണിയേ വേരുമുലയൂട്ടി  വളർത്തുന്നനുദിനം വസുന്ധര   പിന്നെയാ മുലക്കാമ്പ് പ്ലാസ്റ്റിക്കിനാലടച്ചു നാം... നീരുറ്റി കുപ്പീൽ നിറച്ചു എരിപൊരി പൊള്ളലിൽ കുടിനീരാക്കി മാറ്റിയതും    വിത്തുമായെത്തിയിട്ടും മടിശീലയഴിക്കുവാനാകാതെ തറയോടാലടച്ചൊരു ഗർഭപാത്രത്തിൽ മുന്നിൽ മുറവിളികൂട്ടുന്നൊരാ  കാറ്റിനുൾത്തടം കണ്ടിട്ടർക്കന്റെ കനൽത്തീമിഴിയാലുരുക്കി കടലാകെ വറ്റിച്ചൊരുനാൾ , മഴയായി, പ്രളയമായി , കലിതുള്ളിയെത്തും വരെ കാക്കാതെ .... വിത്താകുക, വിതയാകുക, താങ്ങാവുക മകളെ ..... ഓരോ പുതുമുളയിലും . അനക്കത്തിലും തളിർക്കുന്ന മാതൃമനസ്സിനെ , കണ്ടു തുടിക്കട്ടേ നിന്റെ മനസ്സും ചി...
Read more

ആശ്വാസം / കല്‍പ്പറ്റ നാരായണന്‍ മാഷ്

അമ്മ മരിച്ചപ്പോള്‍ ആശ്വാസമായി ഇനിയെനിക്കത്താഴപ്പഷ്ണി കിടക്കാം ആരും സ്വൈരം കെടുത്തില്ല ഇനിയെനിക്ക് ഉണങ്ങിപ്പാറുന്നതു വരെ തല തുവര്‍ത്തണ്ട ആരും ഇഴ വിടര്‍ത്തി നോക്കില്ല ഇനിയെനിക്ക് കിണറിന്റെ ആള്‍മറയിലിരുന്ന് ഉറക്കം തൂങ്ങിക്കൊണ്ട് പുസ്തകം വായിക്കാം പാഞ്ഞെത്തുന്ന ഒരു നിലവിളി എന്നെ ഞെട്ടിച്ചുണര്‍ത്തില്ല ഇനിയെനിക്ക് സന്ധ്യാസമയത്ത് പുറത്തിറങ്ങാന്‍ ടോര്‍ച്ചെടുക്കേണ്ട വിഷം തീണ്ടി രോമത്തുളകളിലൂടെ ചോര വാര്‍ന്ന് ചത്ത അയല്‍ക്കാരനെയോത്ത് ഉറക്കത്തില്‍ എണീറ്റിരുന്ന മനസ്സ് ഇന്നലെ ഇല്ലാതായി ഇനിയെനിക്ക് എത്തിയേടത്തുറങ്ങാം ഞാന്‍ എത്തിയാല്‍ മാത്രം കെടുന്ന വിളക്കുള്ള വീട് ഇന്നലെ കെട്ടു തന്റെ കുറ്റമാണു ഞാനനുഭവിക്കുന്നതത്രയും എന്ന ഗര്‍ഭകാലത്തോന്നലില്‍ നിന്ന് അമ്മ ഇന്നലെ മുക്തയായി ഒടുവില്‍ അമ്മയെന്നെ പെറ്റു തീര്‍ന്നു ഭൂമിയില്‍ ശരീരവേദനകൊണ്ടല്ലാതെ ദു:ഖം കൊണ്ട് ഇനിയാരും കരയുകയില്ല.. 🌹
Read more

അഞ്ച്‌ രൂപ/ സുനിലൻ കായലരികത്ത്‌

  ചന്ദ്രിക സാറ്‌ രക്ഷകർത്താവിനെ വിളിച്ചോണ്ട്‌ വരാൻ പറഞ്ഞ്‌ ഞാൻ വീട്ടിപ്പറഞ്ഞില്ല വഴക്കു പറയുവോ അടി കൊള്ളുവോ എന്നൊന്നുവൊള്ള പേടിയില്ല നാണക്കേടാരുന്ന് അഛൻ നേരത്തെയേറ്റ പൂട്ടൊള്ളോണ്ട്‌ വരത്തില്ല അമ്മ വരും പക്ഷെ നാണക്കേടാരുന്ന് എല്ലാരുടേം അഛനുമമ്മേം നല്ല ചെറുപ്പക്കാര്‌ എന്റത്‌ മാത്രം നരച്ചു പോയോര്‌ നാണക്കേടാരുന്ന് ഞാൻ വിളിച്ചോണ്ട്‌ ചെന്നില്ല രണ്ട്‌ ദെവസം വെളീൽ നിർത്തിയിട്ട്‌ സാറതങ്ങ്‌ മറന്ന് പത്തിലെ പരീക്ഷയ്ക്ക്‌ ഉച്ചക്ക്‌ ഉണ്ണാൻ വീട്ടിലോടിച്ചെല്ലണ്ടാന്നും പറഞ്ഞ്‌ അമ്മ അഞ്ച്‌ രൂപാ തന്നുവിടും രണ്ട്‌ പരീക്ഷയാണ്‌ ഒരു ദെവസം അഞ്ച്‌ രൂപക്ക്‌ സ്റ്റാർ ഹോട്ടലീന്ന് രണ്ട്‌ പൊറോട്ടയും സാമ്പാറും കിട്ടും കണക്ക്‌ പരീക്ഷക്ക്‌ അമ്മ കാശ്‌ തന്നില്ല ഇല്ലാത്തോണ്ടാണ്‌ ചവിട്ടിത്തുള്ളി സ്കൂളിലോട്ട്‌ പോയ എന്നെ തെരക്കി ആരാണ്ടോട്‌ കടം വേടിച്ച അഞ്ച്‌ രൂപായും കൊണ്ട്‌ ഒര്‌ നരച്ച തല പരീക്ഷാഹാളിന്റെ വാതുക്കൽ വന്നു നാണക്കേടുകൊണ്ട്‌ ഞാനാകെ ചൂളിപ്പോയി രാവിലത്തെ പരീക്ഷ കഴിയുന്നവരെ അഞ്ച്‌ രൂപായുങ്കൊണ്ടവര്‌ വെളീൽ നിന്നു ഒന്നും എഴുതാൻ പറ്റിയില്ല ഒന്നാമത്‌ കണക്ക്‌ ഒന്നും അറിയത്തില്ല അതിന്റെ കൂടെ ചന്തിക്ക്‌ മണ്ണ്‌ പറ്റിയ മുണ്...
Read more