അമ്മ /രേഖ രാജ്

 

സമൃദ്ധിയുടെ നടുവിലും

സനാഥയായിരുന്നിട്ടും

അനാഥമായ ബാല്യകൗമാരം .

മാറ്റി നിർത്തലുകളുടെ ,

കുത്തുവാക്കുകളുടെ 

ശരമേറ്റു മുറിഞ്ഞ യൗവ്വനം .

ആർഭാടങ്ങളെ മാറ്റി നിർത്തിയ ,

പിടിച്ചും പിശുക്കിയുമുള്ള

ദിനരാത്രങ്ങൾ .

വിരഹത്തിൻ വേദന ചുമന്ന

ഒറ്റയാൻ ദാമ്പത്യം .

യൗവ്വനത്തിൻ്റെ പൂത്തുമ്പികൾ

പാറി നടന്നപ്പോളരികെയുണ്ടായിട്ടും 

ജീവിതം കൈവിട്ടു പകച്ചുപോയ കാലം .

തളരാത്ത മനസ്സിൻ്റെ കടിഞ്ഞാണിൽ

സ്വയം വലിഞ്ഞു മുറുകി

സന്തോഷം നടിക്കുന്ന വാർദ്ധക്യം.

ഇതുവരെയെന്തു നേടിയെന്ന ചിന്തയിലും ,

കണ്ണുനീർ തുള്ളിയിൽ

ആത്മസംതൃപ്തിയുടെ മറ പിടിച്ച് ,

നഷ്ടസ്വപ്നങ്ങളുടെ കണക്കുകൾ

പറയാതെ പറയുന്ന അമ്മ മനസ്സ് 

....